السلام عليكم ورحمة الله وبركاته
ياليلنـا ياليـل يامطلـع الشـمـس = انـا بليللـي بيـن غـبـه وغـبـه
أربع أسنين مؤكـده ماتصـل خمـس = وأنا نهـاري ليـل بالضـوء أشبـه
من قلبي اللي منحمس داخلـه حمـس =والمشكلـه مـن داه لـدواه سـبـه
لو قلت انا ماقلت أنا منغمس غمـس =ماهـو بكـره لـه لــو لله بحـبـه
ماهو على التصنيف وألا على اللمس =أدعج غنج ما مـن ذرا عـن مهبـه
يطمس عيون اهل الهوى باالهوا طمس =وأللي عطاه الحسـن والزيـن ربـه
يذهل ومن شافه بيومه يقـول أمـس =ويقـول لمـس اليـوم والريـع ذبـه
هذا بلاي وخاطري منه فـي عمـس=أزريت أجيه وكيـف وأزيـت أكبـه
لا غاب عن عيني بقلبـي همـس همـس =لابـيـه ياعيـونـه وكـلـه يلـبـه
ياعذلينـي فيـه يبعدكـم الـرمـس=أرتـاح فـي قربـه بمدحـه وسبـه
الطيبيـن بطيبهـم والـردي نمـس =عمر الردي بالطيـب محـدن ينبـه
الشاعر: احمد بن دغيمان البدراني
تحياتي للجميع....