( قالوا تصبر )
ليّه ثـمـان سنـين والقـلـب محـروق
من يوم راح اللي على القلب غالي
حبيـب قلـبي هـزني صـالي الشـوق
ومن شان حبك أزرق الدمـع سالي
واللي كتب رزق المخاليق من فوق
ذكـراك دايـم يـا حبـيبـي فـي بــالي
أحن لـك حـن بـدوي يـعـشـق النوق
وحـن لـك حـن الـصـقــر للـعــلالي
قـالـوا تـصـبر والـليـالي لـك تـروق
قـلـت اتـركـونـي يا جـمـاعة لحالي
ما كل مخـلوق ٍ يعـوض بـمـخـلـوق
ولا كـل حــب ٍ يـمــكـن انّـه يـزالي
عـسـاه يـا ربـي مـن الـنـار مـعتوق
وتــثــبــتـه يـارب عــنـد الســؤالي
وفي جـنة الفردوس يارب مـرزوق
يا اللـه طـلـبـتـك يـا عزيز الجـلالي
شعر /ضيف الله البدراني (أبووليد)