[آل فهاد البدراني]

( يابـــــــــــــن ادم)

	مابين شيطان عن الخيريعمـــيـــــــك*** ونفس تقودك للمهالك قيـــــــــــــــاده يابن ادم الله من فعولك ينجــــيـــــــك*** كانك على وضع السلف في ركــــاده ان طعت نفسك بكل وادي توديــــــك*** وان طعت شيطانك يزيدك بــــــلاده ياكثر ما نفسك تريد وتحاكـــــــــــيك*** ولو قستها يا تنتقدها انتقـــــــــــــاده جرتك لهفتها على شي يغويـــــــــــك*** لين ان تغذيها وتفنى السعــــــــــاده هل شفت ربي راضي عن مباديـــــك*** او شفت عفوه مشجع للزيـــــــــــاده ليه انت حاط الرحمه حجه لمعاصيك*** كنك ضمنت الموت وعارف ميعاده لا ماحمدته يوم انه معافـــــــــــــــيك*** ويوم نزعها قمت تغلي العبـــــــــاده ولا ماشكرته يوم بالمال مغنـــــــــيك*** جحدت فضله وزاد ضلمك عنــــاده لين انتكست وسارت الخبزه تكفــــيك*** شكرت واسرافك تبدل زهـــــــــــاده الصدق في حمده وشكره ينجــــــــيك*** قبل البلا وي تعطي عقلك رشــــاده كثر المعاصي من الرفاقه تحيــــــيك*** والكل ماوده امور العبــــــــــــــــاده لكن تنقى من هو بالنفس يرضــــيك*** وعلمه ويش هي معاني السعـــــــاده في داخلك شر وخير يباريـــــــــــك*** الا نضرت الشر ما اعضم ســـــواده كله غموض مايفيدك ويشفــــــــــيك*** والكل يتبع مبهمه من القـــــــــــراده ثم يلتبس طبعك ولا عاد يمديـــــــك*** تنزعه لو جمعت جيش وعتــــــاده والا نضرت الخير لليسر يهديـــــك*** كله يقين وحسن واكبر افــــــــــــاده لا ماخبرته في غموض يعنيــــــــك*** وان كان به امرين لله مــــــــــــداده كله رضى وله ابتسامه تخاويـــــــك*** وان شافها الغافل دعى بـــــالاراده عاقب ضميرك جعل ربي يعافيــــك*** واحمده حمدا كثر خيره وزيــــــاده اذيه قبل انه يتمكن وياذيـــــــــــــك*** شيطانك اللي كل اموره نكــــــــاده

منقول