ان كان ياناشد انا المنشود *** اسال وانا حاضر وانا موجود
قبيلتي حربي وهذي ديرتي *** وعـــندي علي أي سوال ردود
كانت قريت بدو في وسط باديه *** ســـكانها تــعدادهم مـــــــحدود
واهي ثلاث احيا تعد وتنقسم *** تـقسم بـسـيل الـوادي الـمـمدود
عقدة وقلعة في شمال الوادي *** وحي الضريس الباقي الموجود
كانتن تسمى ام الركايا العليا *** وام النـــــخيل باسمها المعهود
نجدية حجازية موقعها *** لـها بـنـجـد والـحـجـاز قـيـود
فيها رجال تعد فعولهم *** اهل الشجاعة والكرم والجود
ابن سميحة طارد الجوع بالعشا *** يوم المجاعة واليال السود
ابن سميحة طارد البرد بالذرى **** يشهدله الله والعباد شهود
يجية هتاش الخلا ساري الدجا **** هزيع ليل والعباد رقود
ابن سميحة مايسكر بابه **** من يومة ولد لينة توفي عود
وابن صنت عبيد امير الديرة **** يومنها ماهي سهود امهود
يوم الامارة كايد مرقاها **** وتحتاج فعل وتضحيه وجهود
يومن كلن موت والا زندك **** وهي قريتن والها حمى وحدود
حامينها بالسيف والرمح والقنا **** والماس الاشقر واشهب البارود
وحنا قبايل حرب حرابة الدول**** اهل الوفا واهل النقا المردود
وحنا فعايلنا تعجز غيرنا **** لاخير في علما ماهو ماكود
قصة نويشي من فعلها غيره **** فعلة علي كل الفعول يزود
من غير فعل الاحمدي مع جاره*** وفعل البلالي سالم ابن حمود
وحنا كسرنا بيرق اكبر دولة **** فبواردي والصادرات ورود
يوم الهميليه نهار مروح **** هاك النهار اللي ماعنه صدود
يومن هاجد قال انا اخو صيتة **** العزوه اللي ماعليها زود
وسلاح ابن راجح حزام وبندق **** وصفنة رصاص من اشقر العبرود
وجلس لهم علي ذراع وركبه **** وهبت لبن راجح هبوب النود
وحمي وطيس المعركة دون البل**** والقوم ياحاوي ويا مردود
والرمي خادم والعسام مخيل **** والجبخان تقول صوت رعود
افتك اباعرنا وفكة ربي **** والحمد لك الواحد المعبود
شيخ القبيله هاجد ابن راجح ****تعد له بالمعجزات عدود
شيخة قبل هاجد وشيخة بعدة *****شيوخ شمل معربين جدود
عطيت روس اقلام عن ماضينا ****وترى الحقيقه غاية المقصود
هذا قبل حكم الامام العادل **** قدام نعط البيعة ابن سعود
البيعة اللي مابعدها بيعه **** الا نجددها ولا وعهود
بدر راشد البدراني