مــال الـزمـن فـيـنـي ومـعــه الـهــواء مـــال =ميل الزمن كايد وميل الهواء شين
عزاه ياللي بالهواء تشكي الحال=الناس ماتدري وش الناس مخفين
يانوف حالي قضى والصبر طال=فرقاك فيني زود الجرح جرحين
ابوك سبب لي شقاتي ولازال=ظالم وفرق بالهواء بين خلين
باعك على اللي يملك الجاه والمال=خطاي اني ماملكت الملايين
جعله يذوق الموت ويشوف الاهوال=ويشوف ظلم الناس وداء على وين
وباقي ترى كلمه ولابد تنقال=المال مايبرز رجلاً وفيين
الشاعر مشاري فهد البدراني