احب من حبه من انواع العذاب
ومهما اتعذب وانجرح حبه يزيد
اللي تفنن باالتغلي والعتاب
كنه يدربني على شي ن جديد
يقرب ويزميلي وهو مثل السراب
واقرب منه وامل واعرف انه بعيد
اضمى من اسبابه ولاذوق الشراب
يشح في ماريد مدري وش يريد
يظهر ويذبحني ويبطي بالغياب
مالان قلبه كن قلبه من حديد
اشوفه بعيني وهو بعد السحاب
واكبر مصيبه يوم اشوف ولااستفيد
مابيني وبينه يجي مثل الظباب
يقرب ويبعد فيه شيطان ن مريد
يزفني للغي من طيش الشباب
ويميل بي لامال لاكني عنيد
انظر لنجم سهيل ماانظر للتراب
كانه شديد انا بعد باسي شديد
لون قلبي تضربه روس الحراب
ما زعزعه كيدن يبا يقفاه كيد
الشاعر
عبدالله منورالبدراني