[تركي الزايد]

يامال فرقى العين مما نشوفي
=
قام يتقدم صف الاوباش قدام



واللي تفرخ بيضها في الرفوفي
=
قامت تهز ارقابها مثل عزام



الوقت ماله ذنب يالفيلسوفي
=
ولا تغير في الليالي والايام



الذنب ذنب مخضبات الكفوفي
=
علامة استفهام تفسير الالهام



وش فايدة جهد ٍ مهوب مخلوفي
=
يعني وش يعني يامفسرة الاحلام



طبع الردي مهما تكون الظروفي
=
يغرق بدون اسباب ببحور الاوهام



يدير راسه مثل راس الخروفي
=
صورة بشر في منظرن مثل الافلام



هذاك من كشف الحساب محذوفي
=
ماله ابجغرافية المجد مرسام



يعيش عيشة ذل ويموت خوفي
=
اقل مايصدر عليه امن الاحكام



ورجل المواقف في اللزوم معروفي
=
ماهوب يكبر بالدعايه والاعلام


عبدالمجيد الدلبحي