[ماجد ابن راجح]

شق من سما


راكب اللي سرعته تقل شقٍ من سمـا ## ادعجٍ كـنه يبـــا يقـول شـي ومستحـي
جيب لاند كروز وجهه تقل وجه اطخما ## من غلا سعره بعيدٍ على بعض اللحـي
كــن جلـده لامشــا جلّـد هـمـال دهـمـــا ## سيلها جريه لحا طرف الــوادي لحـي
وان مشا على هوينه . تقل مشية عما ## يتقدا يوم يمــشي علـى حـــروة وحـي
منوة اللي شابعٍ جوع ... رويانٍ ظمـا ## هم قلبـي ... والمشـاريه تنحانـي نحـي
يامروجت الحكـي ماش سـن بـلا جمـا ## النوايا كنها الشمـس والـدرب ابرحـي
مالعدواني دخل فـي فراقــه ... وانمــا ## عيدوا يــوم ان بعـده فحـا قلـبـي فحـي
مـــارميتـم إذ رميتـــم لكـن الله رمــــا ## دارت الدنيـــا علينـا مـثـل دور الرحـي
واوجودي كل مااذكرك ياعـذب اللمـا ## وجد من ذنبه محا كل اهل بيته محـي


مساكم الله بالخير جميع



هذه القصيده للشـــاعر / لافي حمود الحربي