السلاااااااام عليكم ورحمة الله وبركاته ...
الاخوان ابناء العم وجميع من يقراء هذه الكلمات
كل عاااااام وانتم بخير جميعا ..
وارجو المعذره عن الانقطاع الطويل
اتمنى ان تنال الاعجااااااااااااااااااااااااااااااب
لي ثمان شهور ماتعبت هاجوس القصيد=والقوافي ياكهف قافلن صندوقها
ماحصل شيا يشد المشاعر للنشيد=دون سبه مايشد الفكر طاروقها
ياكهف مع غيبة الشمس لاحت من بعيد=مزنتن غرا رعدها رديف بروقها
خيلت وثعولها حدرها مثل الجريد=لين فوق طويق هلت صدوق حقوقها
حركت دولاب فكري بطاروقن جديد=والسبايك غاليا سعرها في سوقها
ياوسيع العرف ياراعي الراي السديد=البشوت ام القصب عيبتها شقوقها
القضيه ماتبي غير من عنده رصيد=يصرف الشيك المذهب لرتق فتوقها
بين شمطان اللحى لاهرج ساع البريد= قله طيورن شبكها يفك سبوقها
والحديد ليالتحم مايفك الابحديد=(العرب صوت المطر مايبل حلوقها)
ارتخى حبل الغلا بين عليا وبو زيد=يوم قالوا قيمة ام السعف بعذوقها
الحباري جالها مخلب وقامت تصيد=رفرفت جنحانها واعتلت شاهوقها
المواقف درس والعاقل اللي يستفيد=مطعمن للحنظله طعم قبل يذوقها
الحليب يخض وبخضه الزبده تزيد=والرجال اعقولها تعرف بمنطوقها
اشهد انك ياشقر الريش يالساس الجويد=مدهلن للبكره اللي لفتك اسوقها
جتك ياللي في عيوني مثل برج الوليد=الرياض ومااحتوت شامخن من فوقها
وسلااااااااامتكم