اقف على بابك وراعيك= وتشوفني وتصك بابك
الله على فعلك يجازيك= توي فهمك من جوابك
جعل الليالي ماتخليك= تحرمك من عزة شبابك
تكبر ولاحدٍ يلتفت فيك= وتضيق حتى من ثيابك
يصبح قريبك مايدانيك=منهم تجزع في صوابك
وتعيش في حسرة تغليك=واشوف في عيني عذابك
صاحبك بالايام شاريك=بالزهد والله مارضابك
وانته تبيع اللي مصافيك=وتنادي اللي ماشقابك
ليتك تذكر في لياليك= الماضي االلي ماسخابك
وقتٍ مضى عقلك محليك= واليوم نفرح في غيابك
خلاص قلبي صار ناسيك=لو شاف زولك مادرابك