ضـــاق الغمام وفح صدر المزاريب
........يالله بجاهك ياعليـــــم الغيوبي
يامنجيً يوسف من الجب والذيب
........بحماك ياساتر خفــــــايا عيوبي
صاحوا تناخوا دورو بي عذاريب
......تجمعوا لــيــــــلة وزا سولفوبي
أثري مسوي بالقلوب الاعاجيب
.....وانا مثل وجة السماء نقش ثوبي
انا وسيع بطان راهي مطاليب
.....ماضيق لوشــــــانت نوايا دروبي
آرد وصدر واخذ العلم واجيب
....ماني على طرش الرعاع محسوبي
بردت كبدي من قراح المشاريب
....دوبي رويت من الشهاليل دوبــي
خليت للحاقد طشاش وحثاريب
.....يتوب ولا قلــــــــــــعتة لايتـوبي
شعري زها بجباه بيض المكاتيب
......شعري على طرياه هبت هبوبي
شعري رسايل عيد طيب على طيب
....شعري لوىتلعات الاراقب صوبي
شعري شهد لة طيبين المجاذيب
.....وش عاد لو سود النوايا حكوبي
لوكان مالي غيرها من مكاسيب
......ما ابغي شهــــادة ميتين القلوبي
الشاعر//// مساعد الرشيدي