مزحك مع اللي ماتعرفه سماجه
-------------------------
مزحك مع اللي ماتعرفـه سماجـه
وبضاعـةٍ ماتنعـرف مالهـا سـوق
ولو كـل مرضـانٍ توفـر علاجـه
ماضاعت الدنيا وما مـات مخلـوق
وان ضاق صدرك بين همٍ وحاجـه
لاتبدي اسرارك على غيـر ماثـوق
اصبـر وياتـي للزمـان انفراجـه
والناس قالوا كل مطـرود ملحـوق
وانشد عن الرجـال قبـل المواجـه
تلقى الخبر في جيب غازي ومرزوق
وانصحك لاتمشي دروب العواجـه
ترى العوج دايم على الوجه مصفوق
لا صار بيتك ينبنـي مـن زجاجـه
حذفك لبيت الناس عيـبٍ وخـازوق
وان شفت فالمعبار ضول ولجاجـه
غير طريقك واخـذ الايـام برفـوق
ابن مهمـل ماعـرف وش خراجـه
الابعـد ماحمـل الطـاق مطـبـوق
كثـروا شمايتـه وعكـر مـزاجـه
واصبح يلوم النفس والحمل ماسـوق
وشـــــــــكرا
منــــــــــــــــــــــــــقول