(( طير بغرورك ))
طير بغرورك واعتلي فوق الأبراج
لابد ما ترجع تدوّر لقايه
يا اللي سكنت القلب وخليته أفجاج
عز الله إن البعد زوّد عناية
نسيتني في وقت أنا فيه محتاج
وصلك وقربك يا حبيبي منايه
صدقت فيني كل حاسد وهراج
واللي سعوا بيني وبينك وشايه
أنا وضعتك فوق راسي كما التاج
وسلمت لك قلبي وروحي وصاية
ماشوف غيرك بلسم القلب وعلاج
وحسبتك لجرحي من اول دواية
خليتني في بحر يلطم بالأمواج
في بحر حبك ضاع حلمي وراية
خليت قلبي يااريش العين لك صاج
تحمس على كيفك مشاعر هواية
تعال شوف القلب بالحيل وهاج
جمره كواني ما تحمل كفاية
شعر / ضيف الله البدراني (أبووليد)