مساكم الله بالخير ..
اقدم لكم مقتطفات من شعر الشاعر الشاب فهد ضيف الله الغيداني الحربي
وهو شاعر بعيد عن الاعلام
وهو من سكان محافظة المهد(مهد الذهب) التابعه لمنطقة المدينه المنوره
وانشالله انها تحوز على اعجابكم مثل ماحازت على اعجابي...
انـت يكفـي لـك "انـا" ياواقـعـي وحلـومـة = شاعـر وكــلٍ تـحـرى شـعـري المتنـامـي
"شاعـر المهـد" ومترجـم فرحتـه وهمـومـة = لويجـي شـاعـر يغـنـي مايـقـف قـدامـي
شاعـر ويكتـب عـشـان الامــة المكتـومـة = دوّن احسـاس الفقـارى والضمـيـر الـدامـي
بـس يكتـب لـك لانــك واقـعـة وحلـومـة = ومايضـر الشعـب مــره نـمـدح الحكـامـي
...........
ومايهزهز بنوك الشعـر والمصرفـي = غير مثلـي ومثلـي لانـوى يحـرزه
الشعر يامحمـد بأوسطـي واطرفـي = وان تعدى حـدودي يرتخـي مركـزه
وكان ساءك غيابي واختفاء أحرفـي = رقم صاحبك شاغـر ماحـدٍ يحجـزه
ولو فقدت الدفاتر والكتـب وأظرفـي = أكتب بكفّ يـدّي وانقـري بأجهـزه
ياهجوسي تعالي في دمْـي واغرفـي = اغرفي دمّ شعـري واشربـي أبـرزه
مثل"سيل المدينـة" حوّلـي واجرفـي = اجرفي كل معنـى ماقـدرت أوجـزه
..
هذه القصيده أرسلها لسعد الطخيس القحطاني
راكب اللي مايسوقـه غيـر سـاده = سادة الدوله مع أصحاب المعالـي
والمٍ بالسـوق لاصحـاب السعـاده = حول بديـه مابـه شريطـي يلالـي
نـادرٍ نوعـه وذي منـي شهـاده = مالمحتـه غيـر مـره فالعـوالـي
موتر اللي ماشملـه أمـر الزيـاده = وماتأثـر بالـزيـادات التـوالـي
وماخذا من ريّسـه محضـر افـاده = وبالغيـاب وبالتـأخـر مايبـالـي
روزٍ أسود مارضخ لامـر القيـاده = مارضخ لامـن الطـرق واعزتالـي
لامشـى مثـل الهريفـي بانفـراده = بالخصوص اليالعب قـدم الهلالـي
راكبه حـرّك علـى عـز وجـلاده = لاتوقـف قبـل ماخلّـص مقـالـي
للطخيس اسرع ورح له في بـلاده = وصّلـه شوقـي وبلّغـه اهتيالـي
وعلمه بالحب فـي شهـر العبـاده = حب اخوه اللي صعد يـمّ العلالـي
وبلّغـه بانـه تنكـد فـي رقــاده = ومابقى في مبسمه ضحكـه تلالـي
ومايلام اللـي فقـد صافـي وداده = ومايلام اللي فقـد خيـر الرجالـي
.....
الحـضـور قـيــود والـفـرقـا سـجــون = كـيــف مـــدري كـيــف لـكــن رددي
رددي يــاجــن شــعــري والـلـحــون = واقـلـعـي عـيــن المـغـفـل والـــردي
دامـنــي لاجـيــت عـنــد المـقـرفـون = سلـكـه مــن الـشـوق قـــام يـغــردي
ماعـلـيـه مـــن جـــروح ولاطـعــون = انحـربـيـوتـي واقـدمــهــا هـــــدي
كـيــف لا والـشـعـر علـمـنـي اكـــون = اول الـفـرسـان فـــي صـــف بـلــدي
كـيـف لا والـشـعـر عـودنــي امـــون = الـمــس الغـيـمـه وتـمـطـر بـبــردي
القصـايـد حـلــم والـدعــوى سـكــون = ولاجــديــد الا جــديــدي يـابــعــدي
....
حبيبـتـي والشـعـر لمّـيـه لــي طــااااح = ولا اتـركـيــه وجــربــي لمـلـمـيـنـي
حبيبـتـي والعـطـر يـســري ويـجـتـااااح = كــل الحـواجـز لـيـن عـطـرك يجـيـنـي
حبيبـتـي قبـلـك انــا كـلـي جـــرااااح = مـن اولــي لـيـن اوسـطـي ثــم ليـنـي
قبـلـك ماعـنـدي غـيـر دفـتـر ومسـبـاح = أكـتـب قصـيـد وسبخـتـي فــي يميـنـي
حبيبـتـي بـعـدك انــا عـشـت الأفــراح = بـعـد عـرفــت ان الـفــرح مانسـيـنـي
بعـدك حبسـت اللـيـل وأطلـقـت مصـبـاح = وسلـمـت لعيـوووونـك وغضّـيـت عـيـنـي
حبيـبـتـي هـاتــي يـديـنـك ابــرتــاح = وخـلـي يديـنـك تنتـحـر فـــي يـديـنـي
..........................
0الكنـب هـذا 000وهذا000والجرايدوالمجلـه . والريموتـات الثـلاثـة والجـهـاز وملحقـاتـه
مكتبي000والكمبيوتر000صورتي فوقـه مطلـه = الكتاب000ودفتريني000والقصيـد ومهمـلاتـه
العقـال وحذفتـي له000ماتغيـر عـن محـلـه = ساعة الحايـط هذيـك الساكتـه حـزن وشماتـه
مجلـسٍ ماصـك بابـه غرفتـي والبيـت كلـه = تبكي غيابك وانـا ابكـي والبكـا طالـت رحاتـه
والله انـي عقـب غبتـي يالعيـون المسفهـلـه = أعلنت عيني غضبهـا وأعلـن الخافـق سكاتـه
والله انـي عقـب رحتـي مابقـا دربٍ وادلــه = وشاعر الاشواق راحـت يـوم رحتـي مفرداتـه
والله اني في غيابـك جاتنـي مليـووووون علـه = والزمـان الـمـر بلغـنـي تحـيـة سيئـاتـه
وصدقينـي مادريـت ان الزمـن غيّـر جبـلّـه = ليـن هلـت دمعتيـن وضيّـع الثابـت ثبـاتـه
بعدهـا أيقنـت بـان الهجـر للعاشـق مـذلـه = واعترفـت بقسـوة الفرقـا وكثـرة مبهمـاتـه
بـس توبـه مـن فراقـك والغيابـات الممـلـه = وبيّـض الله وجـه صبـري والقصيـد وقافياتـه
**********************
إسـألـتـنــي ســـــؤالٍ كـــنّـــه الـقـنـبـلــه
.................فيـه غـيـري بقلـبـك ساكـنـه منـزلـي؟
قـلــت هــــذا فــــؤادي حــافــظ الـمـنـزلـه
................ماسكـن غيـرك انتـي فالحشـا ...مـع هلـي
ابـعـيـونــك تـجــنــن شــخـــص وتـعـقّـلــه
.................ابعيـونـك تـهـز القـلـب.... وتـزلـزلـي
انـتــي الـحــل عــنــدي وانــتــي المـشـكـلـه
................وانتـي آخــر حــدودي وانـتـي الأولــي
سـاكـنـه طـــول عـمــرك فــــووووق يـامـدلـلـة
................لـيـه يابـنـت يالـلـي فــوق ماتنـزلـي؟
إرجـعــي وإسألـيـنـي عـــن (عــلــوم الــولــه)
...............وإن نسـيـت الإجابه...إرجـعـي وإسـألــي
***********************
قصيده بالمدينه المنوره...
ياصـبـاح أحـلـى سكيـنـه ياسـكـون أحـلـى صـبــاح
........................ياصباحٍ مالقيته غير فـي دار الرسـول
يـاصـبـاح الـخـيـر كـلــه يـاصـبـاح الإنــشــراح
.......................ياصباح النور الأبلج والعبـاده والقبـول
ياصباح"الـعـود الأزرق" يــوم ريـــح الـطْـيـب فـــاح
......................ياصباح الورد الأحمر في المزارع والحقول
ياصـبـاحٍ يبـتـدي مــن بعْـد"حـي عـلــى الـفــلاح"
......................في حرم طيبه صباحٍ يبتدي حسب الأصول
ياصـبـاحٍ فــي قـدومـه كـنّــه "ابـشــارة نـجــاح"
.....................ياصباحٍ فـي وداعـه كنّـه يـدق الطبـول
ياصـبـاحٍ فــي مـذاقــه كـنّــه الـمــاي الـقــراح
....................ياصباحٍ في حيـاءه كنّـه العـذرا الخجـول
الصـبـاح الـلّـي أسـرنـي فــي المديـنـه كـيـف راح؟
....................كيف راح وخابر إني عاشقه عرضـاً وطـول
يـاصـبــاحِ لاتـركـنــي أسـتـريــح ولااســتــراح
...................إبتدى قـدّام لاطلـع وانتهـى قبـل النـزول
وسلامتكم..