اعرف ترى للعرف نور وبــــراهين
يا ناصر اسمعني تفهم مـــــعي زيـــــــن = خلك فهيم وفاهـــم كــــل جابـــــــه
كملّ حقوق الله وحافظ عـــــلى الدين=وأعرف ترى الإنسان فوقه رقابـــه
حافظ مع اللـــي صايمــــين و مـــصلين =تراه مــن خـــالف شديد عــــذابـــــه
وكمـــلّ حقوق الوالدين الحشيـــــمين= من دونهم مــــااظن تكسب كسابه
واعرف ترى للعرف نور وبــــراهين = وترى قليل العرف مــــا فيه ثابـــــه
ترى قليل العرف ما له محبــــــــــين = يضيقه جهــــــــله ويــكثر نشابــــــه
يحط عدوانه مع اللي موالـــــــــــــين = ويصير كنه داخـــــل لــــه ضبابــــــه
يعوج الدنيا على شمــــــــــال ويمين = ويألو يخطـــــي ماش عند غرابـــــه
إن قلت مخطي قال لك الناس حرين = والحر ميقاعــــه بـــــرأس الشذابــــــه
في عالي المرقاب حر أشقر العيــن =والضبع مـــا يلقى بوســــــط الذبابــــه
وصل القرابة حق بين المسلـــــمين = أوصـى نبي الحق فيــه الصحابة
والناس في هالـــوقت مثل المجانيـــن = كل يدور حسيته فـي ثيـــــــــــابه
حتى يالواقفيت مـــا تطلب الديـــــــن = يجيك شيء مــــا تحسب حسابـــه
أصل السبب تـــراه فقد القوانيــــــــن = إذا أنتها القانون قــامـــت حرابــــه
وختامها عـــــد الحجيج الملبيــــــن = صلوا على من هدى ربه مشى بــــــــه
شعر : عبد المطلوب البدراني