أضرب على قوقل وعطني علومه
مالك ومـال مجمعيـن الكلامـي
واليا غدى لأسما الرياجيل حومه
فالمعمعه مثل الجـراد التهامـي
أحدن يبيع رخيص وأحدن يسومه
تحصل أسمي مع كبار الأسامـي
بشعر اليا مر الخشوم معرومـه
يطيح من عوج الخشوم العرامي
وقل للمغفل لا يواصـل هجومـه
ترى نضامه يختلف عن نضامي
ما بيني وبينه نقـاش وخصومـه
مخاصم الجهال عيب وحرامـي
لعـل جسمـه يسترنـه هدومـه
ويجوز عن طرد الهوى والغرامي
شعره يغذيه التـرف والنعومـه
أرهف من النسمه وريش النعامي
وشعري بحر ما كل رجل يعومه
أنشد خلف وأنشد رشيد الزلامـي
قل منهو الي ما تثنـى عزومـه
اليا أحتمى الميقاف والشعر حامي
مثل السحاب الي ترادم غيومـه
من يحتمي دوره عداه الملامـي
في موقف محدن يخلـي لزومـه
كلن تلفـت للفشـق والحزامـي
أحدن تفاخر به ربوعـه وقومـه
وأحدن مع الزحمه عليه السلامي
هذي رسالـه مبهمـه ومختومـه
مع جزيل الشكـر والاحترامـي
____________
الشاعر...سلطان الهاجري