مافادني بالوقت كثـر التحاسيـف
ولافادني سهـر الليـال الطويلـه
ولافادني مرقاي روس المشاريف
ولافادني صبـري لنـار المليلـه
هذي ثلاث سنين لارسل ولاشيف
والعين من صد الحبيّب عليلـه
اثر الهواء كلـه مشقـه وتكليـف
كلمـه ويفهمهـا الحكيـم الدليلـه
لو الزمن للناس ياتي على الكيـف
ماحدن شكاء له حاجة(ن) مستحيله
والعمر يمضي والليالي صواديف
احيان تصدف عدل واحيان ميلـه
..................................................
قصيدة مليئة بالحكم
مشكور أخوي مشاري على هذا النقل الرائع والمميز
وهذا ما تعودناه منك
تقبل تحياتي وتقديري
أبووليد ،،