هاضت مشاعر شاعرٍ يا ابو يزن
................................... يسج فكره مالقى بليله مبيت
جاب البيوت النادرة قاف ووزن
............................... وأقبل يرددها قصيدة بيت بيت
خلاص صدره ما يشيل من الحزن
.............................. لاشاف دار وشاف فيها كم ميت
يحمل بقلبـه هم ثقلـه ما يزن
.............................. ثقل الجبال أشيل وزنه ما دريت
هلت دموعي مثل همال المزن
............................ وأحاول انسى وآتناسى ما نسيت
يوم المدافع والصواريخ أركزن
........................... على نفوسٍ ساجـدة في كـل بيت
اجيوش باطل للمواطن قد غزن
........................... يشيب طفلٍ لاوعى باللي وعيت
وكم من مصايب خافيات وما أبرزن
....................... غير الذي شفتــه وغير اللي قريت
اسهومها وسط الضماير يغرزن
........................ كلٍ على همــه سرى وأنا سريـت
هذي مشاعر والمشاعر يرمزن
.....................للشاعــراللي مابغى سمعــة وصيت
لكن همومه بالإشارات أوعزن
.....................وإدعــاه هـــو جدواه لعـــل ويالــيت
فهد البدراني
ياسلام يا سلام يا أبو عبدالعزيز
سلم فكرك وصح لسانك مليون ولا يكفووووون
بصراحة قصيدة ملئية بالشعر الجميل وتصف مشاعر صادقة
تجاه من ابتلوا بالطغاة والمجرمين من اخواننا اهل الشام .. مناظر مؤلمة يندى لها الجبين
وتذرف من اجلها العين .. واسأل الله العلي العظيم ان يعجل بنصرهم وان يجعل كيد الطغاة في نحورهم ......
بارك الله فيك
لك فائق التحية والتقدير