عندما مرض عمي كتبت هذه القصيدة وأسأل الله العلي القدير أن يمن عليه بالشفاء العاجل .
( لا باس ياعمي )
الدار غير الدار والبال مهموم
كني على سطح الوسيعة لحالي
مرت علي أيام حاير ومنجوم
وأفكار تاخذني على كل جالي
واقلبي اللي من سبايبك مسقوم
لجلك عزيز وعندي ياعم غالي
العين ماشافت من مده النوم
ولاغمضت عيني أشوفك قبالي
لاباس ياعمي مقدر ومقسوم
والله يجيرك من صدوف الليالي
لو هو بكيف العبد وبحبة خشوم
ماكان خلينا من أجلك مجالي
لكن قدر ياعم مافيه مليوم
ماغير ندعيلك عزيز الجلالي
أدعي لك المولى يشافيك وتقوم
والسقم ياعمي عسى للزوالي
تاج ٍ على راسي مقدر ومحشوم
أفديك ياعمي من أول وتالي
شعر / ضيف الله البدراني (أبووليد)