[ هذة القصيدة عبارة عن مرثية كتبتها في فقيد شعر المحاورة الشاعر صياف بن عواد الحربي يرحمه الله .
( فقيد الشعر )
مرحوم يا اللي كل الأحرار تغليه
مرحوم يا اللي للمواجيب وقّـّاف
غصب ٍ على عيني من الوجد تبكيه
تبكيك يا اللي نجمكم فوق كشاف
الشـعـر قـبـلي قـام يـبـكي ويـنعـيـه
يبكي على اللي يملك الحس والقاف
يا حرب قوموا نبكي صياف ونرثيه
وندعي له المولى على كل مشراف
الشــاعــر اللـي كـلـنا نفـتـخـر فـيـه
اليــوم ودعـنـا ولا عــاد يـنـشـاف
يا اللـه يا المـعـبود تـلطـف وتنجيه
وتـزيد مـن كـل المـزايا لـه أضـعاف
عســاه فـي جـنتك يـارب تـجـزيه
وتجعل من الرحمة على قبره لحاف
يا واحدٍ كـل الــمـخالـيـق تـرجـيـه
تـرحـم فـقـيـد الشعـر يـارب صـياف
شعر / ضيف الله البدراني (أبووليد)