الملاحظات |
مشاعر شاعر للقصائد والاشعار |
الإهداءات |
« آخـــر الـــمـــشـــاركــــات » |
|
أدوات الموضوع | انواع عرض الموضوع |
28-03-2007, 11:01 AM | #1 |
يـــــــــــــــــــــارب(لعشاق الشعر)
بسم الله الرحمن الرحيم
جميله من جميلات ا لشعر,,,, يارب لاضاقت علـيّ ولالقيـت إلهـا حلـول***أنت الرجا لا شـدّت الضيقـه علـيّ خْناقهـا يارب تفرج لي وانا اللي فالطلـوع وفالنـزول***رجلي كسيره والزمـان المـر باتـر ساقهـا وان قلت متني ما ذخرته غير لِثْقـال الحمـول***المشكلـه ماهيـب فالحملـه ومـن يطّاقـهـا المشكله لاجيت اعـدّل شـي ماهـو بمعـدول***وعيون عذّالي على دربـي وسـاع احداقهـا في وقتها لاعاد تنشد من يصول ومن يجـول***وام العيـون الناعسـه يكبـر ولـع عشّاقهـا والحاجه اللي من وراها الباب موصد بالقفـول***خيراً لي اتركها ولاكْشِـف خِدْرهـا ورواقهـا الاّ ليااحتكّـت وبيّـن فعـل ماضيـن الفعـول***انا لهـا بالخطّـه اللـي ماكشفـت اوراقهـا باجيبها والا بلاش مـن يقـول ! ومايقـول !***مـادام لـي ربٍّ تكفّـل بالبشـر وارزاقـهـا وياهل الخيول ان كان باقي فالزمن راعي خيول***الحق شمسه ماحجب ضلـم العبـاد اشراقهـا والطيب قسم اهل الوفا والعز ميـدان الزحـول***اللـي لغيـر اللـي خلقهـا ماتـذل اعناقهـا والاّ ضعيف النفس مهما عاش ما يلقـا قبـول***شبْحه قريب ونفسـه بـدرب المذلّـه ساقهـا وانا من اوضاع الزمان المر شدّيـت الذلـول***تفْقٍ علـى دارٍ بهـا الغيمـه شلَـع برّاقهـا وفيها البختري والنفل مِزْهر بعد خمسة سيول***جتها وفـك الله مـن قيـود الدهـور وثاقهـا ولبست ثياب معطّره واتجمّلت باحلى الفصـول***ومن شافهـا سبّـح وردد ما أعظمـه خلاقهـا هذا ميولي يـوم كـلٍّ فالبشـر عنـده ميـول***والنـاس دايـم تختلـق رغباتهـا واذواقهـا وان ماحصلّي مازعلت ولاني برجاّلٍ زعـول*** قلبـي لاعشـق حاجـه ! صـدم بفراقهـا ومن كثر صدمات الزمان تقول باللهم مغسـول***ولايعرف بطعم المراره غيـر شخـصٍ ذاقهـا قلته وانا ماني خدين اهل السفاهـه والخبـول***اللي تسوم الهينـه وتـدوج وسـط اسواقهـا انا لياضاقـت علـي ولالقيـت الهـا حلـول***دعيت ربّ الخلـق يفرجهـا واحـلّ وْثاقهـا للشاعرمحمد القثامي |
|
28-03-2007, 12:35 PM | #2 | ||
وان قلت متني ما ذخرته غير لِثْقـال الحمـول***المشكلـه ماهيـب فالحملـه ومـن يطّاقـهـا
|
|||
28-03-2007, 01:21 PM | #3 | ||
الغالي عاشق بلغه
السلام عليكم ورحمة الله وبركاته ومن كثر صدمات الزمان تقول باللهم مغسـول***ولايعرف بطعم المراره غيـر شخـصٍ ذاقهـا قلته وانا ماني خدين اهل السفاهـه والخبـول***اللي تسوم الهينـه وتـدوج وسـط اسواقهـا انا لياضاقـت علـي ولالقيـت الهـا حلـول***دعيت ربّ الخلـق يفرجهـا واحـلّ وْثاقهـا ابيات اكثر من رائعه لشاعر مبدع اشكرك اخي الفاضل على الاختيار الموفق
|
|||
29-03-2007, 02:20 PM | #4 | ||
|
|||
29-03-2007, 02:28 PM | #5 | ||
وياهل الخيول ان كان باقي فالزمن راعي خيول***الحق شمسه ماحجب ضلـم العبـاد اشراقهـا سلمت يمينك ياعاشق بلغة وصح لسان الشاعر تقبل تحياتي
|
|||
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|