19-03-2009, 07:51 PM | #1 | ||
ود وفراق
=( ود وفراق )
صارت حياتي ما بها شي ينطاق = ما عاد لي من بعده أي امنياتي اللي أخذ كل المشاعر والأشواق = وش فايده لا عشت بعده حياتي الصبر مليته ولا عاد ينذاق = ولا عادلي بالدار بعده مباتي اللي فراقه سم حالي بالأعماق= صارت حياتي من بعدها شتاتي اللي غلاه بداخل القلب منساق = واللي عطيته كل عمري وذاتي دمعي نثرته دم من وسط الأحداق = على عشيري ٍ جامع أحلى الصفاتي اللي جبينه كنها شمس الاشراق = اللي ملك تاج الحلا فالبناتي اللي عيونه داعجه مدمج الساق = اللي رموشه ساحره فاتناتي اللي على جيده من اللولو أطواق = واللي جدايلها عليها عباتي اللي شبيه الريم وبزينها فاق = اللي تعدى بوصفها النايفاتي اللي كسب كل المزايا والاذواق = اللي بريقه طعم سكر نباتي اللي نسيمه فاح مع كل الآفاق = ريح الخزامى والنفل يا غناتي أتذكره لا لاح فالجو براّق = واتذكره واهل فيه أعبراتي طيفه معي لا هز فالقلب خفاق = طيفه معي يا ناس حتى بصلاتي يا ليت ربي ما خلق ود وفراق = يا ليت قلبي صلب مثل الحصاتي أنا أشهد إن الود بالحيل حراق = الله يعين العاشق اللي سواتي جمعت له كل القصايد على اوراق= وسميت ديواني ((شجن ذكرياتي )) عليه مني وعد واعطيه ميثاق = باقي على ذكراه حتى المماتي =شعر /ضيف الله البدراني (أبووليد)
|
|||
19-03-2009, 08:20 PM | #2 |
ابو وليـد
اسعد الله مساك بكل ود وصحه يسعدني ان اكون اول المتصفحين لهذه العملاقه الرائعه وافيه وجزله من شاعر وافي وجزل بمعنى الكلمه صح لسانك |
|
19-03-2009, 08:46 PM | #3 | ||
صح لسانك اخوي ضيف الله قصيده جزله
|
|||
20-03-2009, 01:14 AM | #4 | |||
اقتباس:
أخوي عادل الله يسعد مساك يا الغالي
وصح بدنك والأروع من ذلك كله هو تواجدك ومرورك تقبل تحيات أخوك أبووليد ،،،،
|
||||
20-03-2009, 01:16 AM | #5 | ||
سفير الحميدات صحة أبدانك وعلا شانك والطيب طبعك وعنوانك
أبووليد ،،،،،،،،،،،
|
|||
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|