الملاحظات |
مشاعر شاعر للقصائد والاشعار |
الإهداءات |
« آخـــر الـــمـــشـــاركــــات » |
|
أدوات الموضوع | انواع عرض الموضوع |
|
28-12-2006, 03:46 AM | #1 |
مرثية الشاعر /ظافر بن مفلح في اخوه ناصر
السلام عليكم ورحمة الله وبركاته
بديت أنا في الرجم لا عـاد مرقـاه=وياليت ربـي مـن مجيـه نهانـي
تهيض المشحون يـا عيـن عـزاه=عيـن تهـد المـاء بليـا سوانـي يا عين يا عين الخطـا يـا معنـاه=أنتـي خذيتينـي وقلبـي خـذانـي ونيت أنا من ضامر القلب واقصـاه=ونين مـن خلـي كسيـرٍ وحانـي تكفون كثـرت التنهـت وقـول آه=وكثر الونين يهيضني مـا رفانـي قمت اتوجد وجد مـن قلـت اجـداه=خلي طريـح وحقـق الليـل دانـي على اخوي اللي ما تذكرت عجفـاه=ذرب اليميـن وخاتمـن المعـانـي ياخزنتي لا واعضيـدي عضيـداه=ياوين بدلـه لا ذكـرت الاخوانـي يا مهبل اللي قـال عـادك بتنسـاه=بنساه لا من طارش المـوت جانـي والله ان نسيته لين بالحـق نقفـاه=ويحط لي بيـن النصايـب مكانـي يـا تجرتـي خليتهـا يـا حـلالاه=منها الخبر وقـف ولا عـاد جانـي ياخوي الا واخوي ياخوي واخـواه=ماهوب مثـل معقديـن الاخوانـي اخو الهدا عمري على طول لا مـاه=وجدي على جمعـاه كمـن زمانـي جيت المـراح وذي بقايـا سمايـاه=هـذي مداهيلـه ولا كنـه كـانـي حي المراح وحي من كان قـد جـاه=وياونـتـي لا جيتنـالـه مكـانـي يا وسع فرجـة ناصـر لا ذكرنـاه=ومن عاضني فيه العوض ما هجاني اعوي عوا ذيبٍ لقا الخـد مخـلاه=وابكـي لا شرفـت راس البيانـي لا جيت انا قاع ٍ مشى فيه قد جـاه=الاف قلبـي لـوف زرع ٍ ضمانـي الحب لامنه سطـى ويـش يمحـاه=لمن نشى في الكبد مـا قـد هانـي تكفون ماحدٍ شاف هو ناصـرٍ جـاه=ما عاد لا جيتـه ولا عـاد جانـي اتلى العهد به فـي جهـام ٍ دفنـاه=وحطوا عليه من الصفايـح رزانـي حبه كوى قلبـي ولا خـف مكـواه=واخفاه من بين الضلـوع الحوانـي يا الله يا خلاف مـا شـئً بيخفـاه=اخلف علي بمن كان حزنه كوانـي غدابه اللي مـا درى مـن قفايـاه=لاهوب لا يرحـم ولا منـه امانـي لو انه ينطح كـان دونـه نطحنـاه=وابصطبـر عنـده بماكـان جانـي ولو انه يشرى بالثمن مـا ذخرنـاه=بسوق خلعـي واستعيـن بالادانـي الموت لا يـاوي ولا حـدٍ بينسـاه=وكم هو يفرق مـن بعيـدٍ ودانـي مير عساه في الجنه وهي جات ملفاه=وامه وابوه وهو بعد فـي الجنانـي مابه على الدنيا حـدٍ لـه مواسـاه=لا زان الوقت ابن ادم ٍ قـد شانـي ابن رشيـد اللـي طروقـه مخـلاه=قد هو ضعيفٍ قاعـدٍ فـي هوانـي وختمانها ذكر النبـي مـا نسينـاه=صلوا عليـه وهللـوا يـا اخوانـي |
|
28-12-2006, 01:13 PM | #2 |
|
|
28-12-2006, 02:32 PM | #3 | ||
قصيده مؤثره
ورحمهم الله جميعا وفعلا لا يتعب الرجل إلا موت اخيه لانه عضده سلمت يمنك على مانقلت لنا وننتظر من جديدك
|
|||
28-12-2006, 05:17 PM | #4 |
قصيده جميله و مشاعر صادقه
بيض الله وجه يابن حزام على النقل الرائع0 |
|
29-12-2006, 01:42 AM | #5 |
أشكر الاخوان |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|