الملاحظات |
ديوان((مسافر بدري)) الاستاذ الشاعر: سند بن مازن المعمري |
الإهداءات |
« آخـــر الـــمـــشـــاركــــات » |
|
أدوات الموضوع | انواع عرض الموضوع |
|
15-11-2007, 12:46 PM | #1 |
رسالة لمركز الامير سلطان لجراحة القلب
الأخوة في مركز الأمير سلطان لجراحة القلب حفظهم الله
يا لله يا فراج ضيقات وكروب =على عبيدك في مواقف صعيبه سـنـد مـازن الـحـربـــي تفرج لعبدٍ يوجس القلب مضروب =بين الضلوع العوج جاته عطيبه على ثمر قلبه صغيّر وحبوب=حزة فطامه صار يشكي إ قليّبه والعظم ناحل منه الحال مسلوب=ضيق النّفس خلى إعلومه قريبه أنعم عليه بصحةٍ تملى الثوب=يا لله يا للي كلنا نلتجي به في مركزٍ كله تخصص للقلوب=أمر ولى العهد يسعى طبيبه يبذل جهوده والولي يقضي النوب =ما خاب من يلجي لربه يجيبه والحمد للمولى قضوا كل ماجوب =دكتور ماهر و الموارد رطيبه بأفضال ابو خالد ذرا كل مرعوب=مواقفه تشفى القلوب التعيبه ما صك بابٍ للعرب فيه مطلوب=في خدمة الشعب السعودي حبيبه يا لله يا مسلم من السقم أيوب =عقب المرض صارت عظامه صليبه يا مرجعٍ يوسف على أبوه يعقوب=عقب الفراق اللي سنينه صعيبه إحفظ لنا سلطان سلطان القلوب=والعز و الصحه عساها نصيبه وتجعل له الميزان راجح بلا ذنوب=وقت اللقا بالعرض يوم المصيبه و إجز الطبيب اللي على القلب منصوب=بإحسان من فضلك ورحمه وطيبه دكتور من زهران بالحيل موهوب=وفن الإدارة أتقنه يـقـتـدي به دكتور نفخر بك على كل نبنوب=و لدوس أيضا فارسٍ تـنـتـخي به وأجز الهويدا بالعفو منك مطلوب=و إلطف بروحه يوم ركز النصيبه أنتي فخر في موطني شرق وجنوب=أنتي وسامٍ من مفاخر عتيبه كم إبتسامه أ نورت عقب الغروب =من بعد ماصرتي عليها طبيبه والعاملين بمركز القلب لو نوب=أنعم عليهم ياجزيل الوهيبه واجعل لهم في جنة الخلد مركوب=مثل الارايك في جنان عشيبه وصلاة ربي عد ما خط مكتوب =وإعداد ما سال المطر في شعيبه علي نبيٍ وضح الدين بإسلوب =أنذر وحذر للعقول اللبيبه 1 – حزة = وقت 2- النوب = المراد 3- يوم المصيبة = يوم القيامة 4- هو اللواء دكتورعلي محمد الزهراني 5- نبنوب = المكان المرتفع 6- دوس = ديار لقبيلة زهران واسم للقبيلة قديم 7- الهويدا = هي الكتورة هويدا القثامي 8 – لو نوب = لو أحـيـانـا آخر تعديل محمد بن جعيثن يوم 21-11-2007 في 06:56 PM.
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|