السلام عليكم ورحمة الله وبركاته
مساء الخير ادارة واعضاء
قصيدة اخرى للشاعر :
عادل محمد البدراني
انا اشهد ان القلب بالحيل منصاب=جرحه عطيب وحار فيه الطبيبي
جرح(ن) قديم وجدده فرقا الاحباب=يوم الفراق اللي نهاره صعيبي
حل الفراق اليوم ماعنه مجناب=وجاني يوادعني مناي وحبيبي
وهلت دموعي فوق الاوجان سكاب=من موق عيني فوق خدي صبيبي
وقال الوداع اليوم وفراق الاصحاب=فرقا الحبايب من رداة النصيبي
وسافر حبيب الروح والكيف ماطاب=وابعد وخلاني سواة الغريبي
اسهر واراعي سهيل والجدي اليا غاب=وارعى القمر يالين نوره يغيبي
كني سجين قفلوا دونه الباب=مظلوم راسه شاب قبل المشيبي
حاله كما حالي معذب ومرتاب=ماله بهالدنيا صديق وقريبي
يالله ياللي ترزق الطير والداب=ياللي على كل الخلايق رقيبي
انك تلم الشمل وترد الاحباب=تجمع شتات الشمل بعد المغيبي
اطلبك ياللي من ترجاك ماخاب=تقبل دعاي انت السميع المجيبي
وصلاة ربي عد ماخط بكتاب=على النبي وعداد نبت الشعيبي
وسلامتكم ................