![]() |
#1 | ||
![]()
عزي لمن هو روّحت بنت عمــّه = عند الغريب اللي أخذها نحيله وجدي على حاله ويا كبر همــّه = ساعة يشيل الهم وساعة يشيله جرحه خطير ونازف(ن) منه دمّه= وروحه من ألآهات صارت عليلة يعطونها رجال ناقص وخمــّه = ماهو لها ... خبلان وأردى القبيلة معروف بالحارة وكلن يذمــّه = وزودن على هذا ضعيف وهبيله أمثال هذا للقمايم تقمــه = يلعب مع البزران وياكل بليله مصنق وله ريحه وياشين فمــه = كبير يا عالم وفايت مديله لامن هرج أطرم وأذانيه صمه = ولا من مشى كنه مضيــّع دليله معقول عود البان يقدر يضمه = معقول ذاك الغصن له يرتمي له معقول ذاك الورد عنده يشمــّه = معقول يصبح نايمن في مقيله أنا أشهد إن الحال سمــّه وغمــّه = يوم أصبحت ( شيخه ) لغيره حليلة = شعر / ضيف الله البدراني (أبووليد) أرجو منكم المعذرة من بعض الأبيات .
|
|||
![]() |
![]() |
الكلمات الدلالية (Tags) |
مديله, فايت |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|