الملاحظات |
ديوان((مسافر بدري)) الاستاذ الشاعر: سند بن مازن المعمري |
الإهداءات |
« آخـــر الـــمـــشـــاركــــات » |
|
أدوات الموضوع | انواع عرض الموضوع |
17-10-2006, 01:53 AM | #1 |
البارحة
البارحه حالي كما حال سعدون =إبن العواجي يوم شاف اليتاما وإلا كما شيخ القحاطين محزون =شالح بن هدلان ريف النشاما جوه النكف والذيب بالقفرمدفون = وباحت إسدوده يوم سمع الكلاما واسترسلت عينه علي الدمع بجنون = صابه مصاب ياعرب مايلاما والاكما يعقوب بالحزن مفتون = يبكي علي يوسف بحال النداما والاكما مستيسر دونه احصون =محذوف بالسرداب وسط الظلاما من روعة خلت ادموعي يهلون = فجعة خبر شلت صليب العظاما فقدت عمي وانتثر كل مكنون =حتي نفس روحي شهق وإستهاما ماعاد لدنيا طعم ياالله العون = عقبك يابن نقأ عليها غثاما والله مانسى عمي عبيد بالهون =حتى بقبري تحدروني بخاما شيخ على ربعه كما ريف المزون = ماقال مالي بالمشاكل غراما في مجلسه تلقى الجماعة يحضرون =يجمع قلوب الناس لو هي خصاما ويشيلهالوهي كما الضلع وتهون =وتصبح مثل ماقيل برد وسلاما وجاره عزيز دايم الوقت مصيون = داله عن ربوعه بطبع الكراما لعل قاع تسكنه ينبع اعيون =انهار تمشى جاريات تزاما رياض خضراء بالزهر زاهية لون =متخالطه مابين ورد وخزاما ويفسحلك الرحمن بالقبرللنون =وبجنة الفردوس ترقي السناما وتلبس من الرحمه عن النارمردون =وتجالس الابرار بأعلى مقاما وصلاة ربي عد مادار مسنون =وإعداد ماقاموا وغطوا نياما علي النبي الهاشمي صفوة الكون =شفيعنا بالحشر يوم القياما 9- 1- 1427 سند مازن المعمري |
|
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|