الشيخ فالح ابن نافع الراعي
ارسلتله دعوه عزيمه لحفل زواج
عندنا وبعد قرا بطاقة الدعوه
ارسل ليه بيتين يقول
مباركن للي دعانا على خيــــر = بدر ابن راشد جعل عمره يدومـي
الصاحب الى مايهاب المخاسير = متمسك بجود العرب والسلومي
وردية عليه اقول
ان قلتلك ياشيخ ونقلت ياميــــــر= وان قلتلك يالقرم يابن القــــرومـــي
لك عندنا وزعه وقيـــمه وتقديــــر= في كل حال من الحوال محشومـــي
يامرحبا ترحيب باحــــلا التـــعابــــر= لعل عمرك يابن نافــــــع يـــدومــــي
ترحيبا احلا من حليب المـــــصاغير= حليب حمرا للـــحــويـــر رزومــــي
واليا ارزمت لوليدها توه اصـــــــغير = وليدها عمره ثـلاثيــــن يـــومـــي
واليا عطفت تفهقت بالــــمــواخيــــر = وتاخذ من الدره غواطيس نومـــي
بقفرن خلا ماديج حــــولــه ولاذيـــر= ربيع سيلن من سيول الاوسومــي
متشابكن فيه العشـــــــب وانواويــــر= عنه الشواوي يركبون الحزومــــي
يطلق عليه من الشواوي مــــحـــاذير = من طب فيه من الغنم مايقومــي
هلا هلا يمنور الـــحـــفــل تـــنــــويـــر = ياعز وغلا من يحضر امعزومــي
الشاعر: بدر راشد البدراني