يقول الشاعر سالم السامود المخلفي الحربي
عسى الله يعين اللي يبا ينتظر شهرين=برجوا الخيال اللي عيوني يخيلنه
يشوف الشهور ثنين لاكن تقل عامين=وقلبه معنا والهواجيس تلنه
وجودي وجود اللي طواه اليتم والبين=بعد لاعته بقعا وهو ماكمل سنه
بعد مات ابوه امه توفت وفاله شين=ولاله قريب الاخواته وخلنه
على جادلن ربي عطها الدلع والزين=جميع العذارا للجل زينه يحسدنه
غلاها فطمني عن غلا العالم الباقين=وليفي عسى كل المزايين يفدنه
اليا جيب له طاري ظرب بالحشى سكين=علي الحرام اني له اعوي عوالشنه
الشاعر سالم السامود المخلفي
وانا جاريت القصيده مجاراه لأن القصيده ماهي مسنده عليه
اقول
الاياوجودي وجد عودا ورا التسعين=وعقبه بنات وسود الايام ظامنه
حصله جفا وجحاف من ربعه الادنين=جريح الفواد ويلحق الونه الونه
له اربع عماير بالمدينه وطرش وظين=ورصيد البنوك ويملك اموالن امرنه
بغا يكتب املاكه البناته الثنتين=ولاكن عين المحاكم يطيعنه
ولاله وريث الابني عمه الجافين=مغير ايتحرون اليالي يشيلنه
بني عمه مقرد فقارا رهاين دين= وكلن مصارينه حمروبيضن سنه
على الي غلاها بين حدب الظلوع وبين=حنيا الظلوع اللي خفوقي يظمنه
خفوقن يظم اغلا غلا غالي الغالين=ويخفيه عن هرج المخاليق ويكنه
وقبل ثنى عشر عام عمره ثمان سنين=وذا الحين ياربي لك الفضل والمنه
خذ اطرح صفر وثنين من واحد وستين=وشف فرق سن مغربل الحب عن سنه
انا وين ونته ياحسين السجايا وين =عسى الله يعوضني بحوريت الجنه
الشاعربدرالبدراني