20-03-2009, 09:49 PM | #1 | ||
السالفة
=( السالفة )
لا تحسبني يا الغضي منك مليت = من شانك أسهر طول ليلي واعاني على العهد باقي ولا يوم صديت = بعيد عن عيني وساكن كياني ما غيرك أحدٍ بالبشر كد تمنيت = ولا غيرك أحدٍ كد نطق به لساني حبك في قلبي كل ما أصبحت وامسيت= ما غبت عن عيني ولو هي ثواني حطيت لك عندي مكانه وعليّت = قدرك تعلى فوق كل المعاني فالقلب حضرّت القصايد وشبيت = شبيتها بين الضلوع المحاني أبياتي اللي كلها بك تغنيت = غنيت في حبك كثير الأغاني شربتني فنجالك اللي تقهويت = وسريتني في بحر ماله مواني قصر المحبة قمت بيديك هديت = هديت من جهلك جميع المباني عز الله إني يا الغضي منك عانيت = كفاني اللي ما جرالي كفاني اليوم أشوفك بالمحبة تغليت = وانا الذي معطيك كل الحناني إن كنت في وصلك عليّه ترديت = وان كان قلبك بالقطيعة رماني والسالفة كانك على الهجر ظليت = ما عادلي من دون غيرك أماني تركت أنا كل المدينة وقفـــّيت = بشوف لي غير البلد ذا مكاني =شعر/ ضيف الله البدراني (أبووليد)
|
|||
21-03-2009, 01:39 AM | #2 | ||
صح لسانك اخوي ضيف الله
|
|||
21-03-2009, 08:56 AM | #3 |
الاخ/ ابو وليد |
|
21-03-2009, 03:55 PM | #4 | ||
أخي القدير
سفير الحميدات صح بدنك يا الغالي وتقبل تحياااااااااااااااتي أبووليد ،،،،،،،،،
|
|||
21-03-2009, 03:57 PM | #5 | |||
اقتباس:
أخي القدير مشاري البدراني
صحة ابدانك وعلا شانك والأجمل هو مرورك تقبل تحياااااااااااااااااااتي أبووليد ،،،،
|
||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|