من (الارشيف )
هذه القصيدة من قصائدي القديمة امل ان تنال اعجابكم وتروق الى ذائقتكم
لاتسألوني عن الاحوال والسيرة =
الحال له مدة ما هو بمعجبني
لي مدة كنّ مابه ناس بالديره =
كني لحالي ولا شي يناسبني
لو قلت أببعد ولا أبغى للهواء سيره =
الموقف اللي حصل ليّه سبب غبني
مشاعر الشخص تغلب كل تفكيره =
يرضخ لها غصب يهدم كل مايبني
مشاعري صادها المزيون ما غيره =
اللي على كل كلمه جاء يحاسبني
مهيوفة الخصر عنق الريم وصغيره =
والخد براق والنهدين تذهبني
والشعر الأسود على الأرداف تحديره =
يتعب فؤاد الذي مثلي ويتعبني
وشلون أوصف ولكن يا الله ألخيره =
غيدا من الغيد صادتني وعنتني