قصيدة بمناسبة زيارة سمو أمير المدينة الامير فيصل بن سلمان بن عبدالعزيز الى محافظة وادي الفرع
إن بدينا ما بدينا غير باسم الوالي =
ربنا اللي خالق خلقه عظيم شانه
ربنا اللي عالم في كل سر خافي =
وان لجينا ما لجينا الا له سبحانه
والمعاني ماتجي وإن مادعاها داعي=
وإن دعا داع المعاني جاتني ولهانه
والشعر ماهو على كيفي يجي ترتيبه=
كان ماجاله هدف ما ينضبط بالحانه
والهدف واضح وبيّن كلنا ندري به=
الزيارة من سمو اميرنا عنوانه
مرحبا فيصل ابن سلمان عز وهيبه =
انت بقلوب أهل طيبه عالي المكانه
مرحبابك عدماهل السحاب وسيّل =
وانحدرسيله من اعلى الضلع مع وديانه
عد ماحج الحجيج ووجهوا بيت الله=
وطافوا ببيت الله وطافوا بكل اركانه
ياالاميرابن الاميراللي جويد ساسه=
ساس فخر وساس مجد ونعم في جدانه
وثق البنيان ابو تركي على شرع الله=
منهجة سنة نبي الامة وقرأنه
وبعده عيال تولوها على منهاجه=
يا الله ان تحفظ لنا مليكنا واخوانه
والفرع جاه الربيع وشعشع ابنواره=
الربيع اللي كسى واديه مع ضلعانه
السعادة عمت الوادي وزاد افراحه =
في قدوم ابو فهد كل اهله فرحانه
ياولد سلمان سامحني على تقصيري =
القلوب بحبكم ياسيدي مليانه
والختم صلوا على محمد نبي الامه=
خير من نختم بها شعر النبط واوزانه
الشاعر / عبدالمطلوب مبارك البدراني
نشرت بصحيفة المدينة
http://www.al-madina.com/node/441235