الـناس مـثل البــضـايــع يــوم احـليها =فيـها الذهــب والمعـــادن والــبلاتيني
واللي فرق في بعضها شخص شاريها= يعرف ثمن كل زين ويعرف الشـيني
وابو مشعــل سطــير الـراس راعيــها= مــثل الذهب راجــح بكل الموازيني
كــفه نديــه على الطــالات مــرهيــها= يقـلـط على الطـيبه بالعـسر واللـيني
في مـقدم القــوم ماهــو من تـواليـــها= له نظرةٍ صوب الاقصى والمواليني
فاقــت حـدود الفضاء تسمـو مباديــها= انا اشهد انه كفو سقـــم المعــاديني
حمــاي قـولـة نعــم بالفـعـل مرضيها= لايـــق عليه النعــم والطيب يكفيني
يومن بعض العرب تقصر خطاويها =ماتقصر ايدين ابو مشعل عن الزيني
هــذا الـوفــاء والحمــيا مانخــلـيـها= وقــفــة وفـاء ماتغير بين الاخـويـني
اقــولها ماعــليــه صـدق وحـمـيها= عندي على هـرجتي كل البراهيني
مـن لاثـبـت بالحـميـا لايطــريـــها= ومن لاوقف لي بماقـف طيب يغويني
يــومٍ كلٍ على كـيــفــه يســويـــها =هـــروج ليــلٍ مــع الانــوار ماتبيني
هاذي حقـايــق مع العربان نبديــها= ترضي رجال الوفاء والعرف والديني