مساكم الله بالخير ,,,
سـلام ياديـرةٍ بالخيـر مـذكـورة=في حاضر الوقت ولاَ ماض الأزماني
ماهيب مذكـورةٍ باللعـب والكـورة= مذكورةٍ في فعـل طلقيـن الأيمانـي
يوم ان الايـام دورة فـي أثـر دورة= جو فالصدارة ماجو فالمركز الثانـي
تاريخهم مشتهـر والنـاس مشهـورة= يوم الفشق يردع الباغيـن والجانـي
والحين في حكم ربي ثم اخـو نـوره= طاعوه....... ماطاوعو به كل فتّاني
لاياوجودي وجود اللـي فقـد نـوره= من عقب ماهو يشوف ربوع واخواني
صار يتقدى علـى عكـاز مكسـورة= ونوبات يبكي ونوب يـونّ شرهانـي
وجدي على مسكنٍ لوماكتمل سـوره= وسط الحناكية اللـي تزبـن العانـي
أقولهـا والديـار هنـاك معـمـورة= لكـن ديرتكـم انتـم شكلهـا ثانـي
بوابه لنجد.......ولاّ نجـد مشكـورة= ((بوابة المجد)) هـذي بيـن الأوطانـي
الشاعر فهد الغيداني