ياميرت القلب
ياميرت القلب دوك القلب ياميره
قلبي ملكتي هواه وكامل احساسه
اخذيه شوفي مدى حبك وتاثيره
تراك نبضه و عنوانه و مجلاسه
اخذيه وديه خلي سيرته سيره
ابغاك ياشيخته همه وو سواسه
يفداك قلب ن يسوقنه مقاديره
حتى عليك احترق بنه ومحماسه
وصفة علاجه وتنشيطه وتخديره
بيدينك امرين يا رجواه يا ياسه
تصرفي به لحاله مامعه غيره
من شان ما يلتمس مع كهربه ماسه
شخص عطى القلب ماحسب مخاسيره
لو ما قبلتيه قلبه باالقدم داسه
على شواطي غلاك احرق بوابيره
سلمك نفسه بلا خطه ولا اسياسه
اسير حبك ما يبغى منك تحريره
والله لو تطلقينه يلفض انفاسه
في ظل حكمك بنى في ديرتك ديره
انتي حياته ومر باعه و نسناسه
ياميرت القلب قلبي دق لك زيره
ومعك الهواء شاقني عوده ومرواسه
اسكر بحبك بلا وسكي ولا بيره
لاجيت عندك حرام اضيع الطاسه
وش لون وحدك معي تحرقني الغيره
صبي يااميره وزيدي عاشقك كاسه
ثم اسمحيلي ياميره كلمه اخيره
حبك فريضه علي وكتب ودراسه
الشاعر
عبدالله بن سالم البدراني