ابنحدر لين خط البيب يبرالي**وابظرب العرق واسند مع العبله

[محمد عبدالمحسن البدراني]

الغالين عيال العم الزملاء جميع الاعضاء الزوار الكرام
السلااااااااااااام عليكم ورحمة الله وبركاته

اتواصل معكم بآخر القصائد
اتمنى ان تحوز الرضى



للتحميل هنا
http://albarz.net/upload/uploading/harbi.rm

ياوجد حالي على ممشى الخلا الخالي=في خايعن يصطفق نواره وربله
زملوق نبته يشوق النفس لامالي=كن الهوا يوم يصفق فيه يطربله
ماتشوف به للغنم جره ومنزالي=من شاف ممشى شياهه مايقربله
ماياصله غير قناصن ووبالي=حرآ يسوقه هوى ذوده ويتعبله
إيجود من جودها لياجوله رجالي=وخيار خلفاته لمن جاه تحلبله
ومعيه خويآ ينومس لاتهيالي=له وقفتن لاحتمى الميقاف تحسبله
شروى السليمي عريب الجد والخالي=النادر اللي علوم الطيب تنسبله
سيفن بكفي وبن عمن لي موالي=وابوه راع الوفا والطيب من قبله
ماهو حضيبي غشيم ببعض الاحوالي=بأول دقايق وكبدك منه مندبله
ابشعم النار واسطر جنبها دلالي=وفك صندوق صدرن منعقد حبله
ولاراج ريح المهيل وسط فنجالي=ومن الهواجيس راسي مخليآ سبله
ابنحدر لين خط البيب يبرالي=وابظرب العرق واسند مع العبله
وابتعب الرجل وانصى المرقب العالي=رجمن يشوق اللي افكاره تشعبله
وابسهج الجيب واصل ذيك الاطلالي=خضر الفياض اللي من ام العبل قبله
وامر روضن نزلبه واحدن غالي=العام يوم ان ابوه مربعن ببله
متمركزن حبها في قلبي وبالي=مالوم ناسن بها من قبل منهبله
من دونها اللي منامه نومة الجالي=من خوف بندق غريمه لاتزهبله
(خوفن عليها ومنها)مارقد سالي=ومن حام حول الحمى بالفرخ ينشبله
اهديتها سبحتي واقفت ونا لحالي=اطالع لقرنها والردف يلعبله
يابندر اسقتني المرين والحالي=بخدودها والنحر وعيونها الذبله
والمبسم اللي مثل لون الغضى الصالي=انشهد ان الدلع والغنج ناسبله
يالله عليها يهل الوبل همالي=ويظفي على دارها مزنن نثر وبله

[ابن شنوت]

صح لسانك ابو عبدالله
ولاراج ريح المهيل وسـط فنجالـي
ومن الهواجيس راسي مخليآ سبلـه
ابنحدر ليـن خـط البيـب يبرالـي
وابظرب العرق واسنـد مـع العبلـه
وابتعب الرجل وانصى المرقب العالي
رجمن يشوق اللي افكـاره تشعبلـه


وماشالله ابداع متواصل وجديد متوهج وبيض الله وجهك

[ماجد الحربي]

صح لساانك


قصيدة في قمة الروعة


الف شككرر يالغالي على القصيدة


دم بود


ماجد الحربي

[تركي الزايد]

الاخ العزيز

ابو عبدالله

ابداع متدفق

بيض الله وجهك على القصيدة الرائعة

دمت بخير

[ذيــ الغــــداري ــب]

صح لسانك يابن عبدالمحسن

يبقى الابداع سمة في جميع قصائدك

فانت شاعر نفتخر به

اشكرك على هذا الطرح المميز

ودمت بخير