اليوم حبينا نتكلم عن حرف من حروف اللغة العربية ولكنه حرف ليس ككل الحروف الأخرا
فمن وجد لديه هذا الحرف فهو في امان وطمئنان ومن فقده فهو في هوان ودائماً في مأخرة الركب الا وهو حرف الواو
فإليكم أسرار هذا الحرف
عندك واو يوقفلك الكل و يخدمك
ما عندك واو تعال بكرة !!
عندك واو تتخطى الصعاب
ما عندك واو لازم توقف في الطابور !!
عندك واو تكتب في أي جريدة ولو كان موضوعك تافة أو أي كلام
ما عندك واو يضيع المقال أو يختصر أو ما ينشر !!
عندك واو ما تتعب في تسجيل إبنك في أي مرحلة تعليمية
أو جامعية طب هندسة حتى لو معدله في الثانوية60%
ما عندك واو الله يعينك في المدرسة لازم يكون عمر المحروس
ست سنوات بالساعة و إلا في السنة الجاية ألين يكمل
وفي الجامعة ما في غير فني أدب رسم !!
عندك واو تترقى و تاخذ دورات و تسافر دورات !!
ما عندك واو و الله حسب النظام المعمول فيه !!
عندك واو تأخذ أحسن صالة للأفراح و كل شي مجانا و هدايا !!
ما عندك واو الله يعينك حتى المنديل تحاسب عليه !!
عندك واو تحجز في المطار في أي وقت و فورا تلقى
عشر كراسي فاضية لك و لأحبابك !!
ما عندك واو الحجز أتلغى و الكراسي طااااااارت لغيرك !!
عندك واو بتحصل علي وظيفة قبل ما تخلص الدراسة !!
ما عندك واو خيس كم سنة في البيت لان ما عندك خبرة !!
عندك واو تضمن لك حياه سعيده لانك راح تلقى كل شي بسهوله !!
ماعندك واو الله يعينك على هالحياه في هالزمن !!
اي والله الواو هذي عجيبه طبعا مهي واو الجماعه ولا واو العطف
هي واوا الجار والمجرور الى تجرك لاكبر المناصب
ولكم أطيب تحية [/center]
الإهداءات
« آخـــر الـــمـــشـــاركــــات »
28-04-2010, 07:30 AM
اسرار حرف الواو
العرض العادي
