مجاراة قصيدة

[فواز غريب ابن عبدان]

أنقل لكم هذه الأبيات وهي للأخ /علي ناصر قحيصان البدراني
وهي مجاراة لقصيدة الشاعر عبدالله بن ربيعه شاعر عاش في القرن الثاني عشر
ويقول فيها:
إعــذر وسامحني ليا شفت عذروب
بالك تلوم اللي تــنوكس حسابه
غربي ضحى ، والغوش في ديرة عتوب
ومن دونهم بحر تلاطم غبابه
المستريح اللي من العقل مسلوب
وان شفت لك عاقل ترى الهم دابه
إن دك به هاجوس مايسمع الطوب
والى انتبة .. ماجابت الورق جابه
اللي بصوب وعيلته عنه في صوب
لاتسال المفجوع ينبيك مابه
ان كان يالمنيوب تشكي لمكلوب
وش حيلتك باللي نبيحه بدا..به؟
عبدالله بن ربيعه

المجاراة
قريت لي من نادر الشعر مكتوب
الله يرحم شاعر قد بدا به
اللي عن الشعار له نهج وأسلوب
ابن ربيعه يوم قال بجوابه
الله يعين اللي من الوقت منكوب
وعليه جار الوقت بأول شبابه
من كثر ما واجه من اصدوف واكروب
لولا الحياء يمكن يشقق ثيابه
والمستريح اللي من العقل مسلوب
والكون ما يدري وش اللي جرابه
ماينشره عليه في لازم ونوب
ولا غاب ما أحد شاكي من غيابه
وترى الصبر في كل الأحوال مطلوب
وإلا التسرع شين ما فيه ثابه
وشكواي للي رد يوسف ليعقوب
اللي نطيعه خشية من عذابه

[تركي الزايد]

صح لسانك ولسان الشاعر ورحم ابن ربيعة...

المستريح اللي من العقل مسلوب...

[محمد بن جعيثن]

الاخ فواز


شكرا على هذه المشاركه
وصح لسان ولسان الشعراء

لك الود

[عالي الهمه]

اسمح لي ابدي اعجابي باطرح المميز تقبل مروري

[عبدالمطلوب مبارك البدراني]

الاخ الغالي فواز صح لسانك ولسان الشاعر علي البدراني
ورحم الله ابن ربيعه

لك فائق تحيتي وتقديري