احذر تجامل واحدٍ مايجاملك=لو أقرب الجدان جدك لجده
عامل عباد الله مثل ماتعاملك=من شان كلن توقفه عند حده
واللي بهرجه وده انه يزعلك=اسمع كلامه وازعله من مرده
وان كان رايك مايعالج مشاكلك=كلن تصرف بك على مايوده
وان كان طيبك مايغطي خواملك=مالك سوا تصبر على كل ضده
ترى العفو ماهو من الناس شاملك=ومن طال صبره بيح الوقت سده
وأكال غيرك لاتجي معه ياكلك=لو يعترض بالدرب قدمك تعده
ومن أفطربنصك تعشى بكاملك=لكن تريق فيه وإلا تغده
ومن لا رجا نفعك ولا خاف باطلك=عن الخطا في واجبك وش يرده
ورفيقك اللي بالشدايد يلازمك=لاصار باللازم على النفس بده