هذه القصيدة قالها الشاعر الشاب/ ممدوح بن عبدالله التويجري الحربي بالحفل الذي أقاموه مجموعة من قبيلة حرب بتاري28/8/1427هـ بمحافظة الرس 0

سلام الله سلام اهل السلام وملة الاسلام=سلام الله على ناس عسى المولى يسلمها
سلام الله على ربعي سلام للقبيله عام=يقوله من ضميره يازن ابياته وينظمها
بعد جانا الخبر جينا نشارك بالوفا مادام =مواثيق الوفا عند القبيله من معاملها
والا ياقايم في حفلة التكريم خير قيام =عداك اللوم والحفله جميل العلم واسمها
تكرم شاعر دون القبيله متعب الاقدام =بمجاله والبقية ما نتناساها ونظلمها
وقف كل حسب دعواه وقفة واثق مقدام=على شان القبيلة يقطع البيداء ويحسمها
وراشد راشد بعقله علم لا عدو الأعلام =ليامن العرب قامت تحيزم في محازمها
يقف وقفه تتعب من وقفها صامل جزام=بموقف أكثر العالم تراجع عن تقدمها
بوسط الملعبة يلادي الشعار والاخصام =وذي ناس يخاشرها وذي شعار خاصمها
يقابل ما يلوذ وكلمته بين الرجال حسام =ونفسه عن كلام الزيف والبهتان حاشمها
وحنا نشجّعه ونشجع اللي من القبيلة قام=عن الواجب قبيلة حرب ماترخي عمايمها
بدون قصور في باقي القبايل والرجال حشام=على ما قيل كل لابه توقف دون لازمها
دعوني بحفل تكريم السحيمي بأجمل الأيام=وجيت لحفلهم نفسي وفاء الاصحاب زاهمها
ابشارك و أبا أبدأ بالقصيدة والسلام ختام=سلام الله على ناس عسى المولى يسلمها