الصيف عدا لاشجون ولاحدس = والربع يا احمد لاسلام ولاكلام
مروا مثل حلم على شوفي يبس = واغضوا مثل علم تقفاه الملام
والدمع لامنه وصل عيني نكس = عيا يسيل الدمع ملعون الرحام
والدار من مده خلي من الونس=والوقت تالي مايشد به الحزام
حفيت مداويري وانا انشد واعس = وين المقام اللي على قد المقام
ماعاد بي يا احمد على الطرقه نفس = الدرب موحش واخر الطرقه ظلام
كله لعين اللي ليا منه نعس = اركى هدب عينه على قلبي ونام
خرس مظاليله تقل صفة حرس = لاسلهملي تقل يضرب سلام
عذب ختلني ختلة العطر وهمس = واروى معاليقي عقب ماهن هدام
هالوردتين اللي ورى صدري غرس = من غيمتين(ن) من ورا طرق اللثام
له لفتة قرمه وله هيبه فرس = وله بالحشا شيمه وقيمه واحتشام
وان مال يهوس وان ركز عمره هوس = وان سج ضعنا من غمام ليا غمام
وان قام ماحد من حوالينه جلس = كنه يقول لمن حوالينه قياااااااام