الشاعر قابل فرج البشري أبو( يزيد ) شاعر غني عن التعريف في سماء شعر الكسرة وهذه بعض إبداعاته الشعرية :
حلفت مالك عليّ يمين
كل يوم في ناظري تحلى
ولو تطلب عيوني الثنتين
عليك والله ما تغلى
..............................................
اسكنتني في عيون الشك
وزعزعت فالحب ايماني
وانا فؤادي وهبته لك
ماهو لهذا ولا الثاني
...............................................
ياورد مايل على الاغصان
ميّل على خافقي ميّل
تبغى الصراحة طلعت جنان
فوق الذي كنت متخيّل
..............................................
في كل لحظة افكر فيك
ويمّك دروبي توديني
وفالحلم لاعادلي طاريك
من عز نومي يصحيني
..........................................
يشكي سنين الأسى ملتاع
آهاتها ذوّبت صوته
حتى تمادت به الاوجاع
وصارت حياته كما00موته
..............................................
فقدانكم هز وجداني
ونوري بعد نوركم ظلما
ولو فاض شلال احزاني
غطّى على اليابسه والما
................................................
يامبدي الصد بألوانه
نفسي بعد ودها ملّتك
من بعد ماكان لك خانه
أصبح وجودك كما قلّتك
................................................
ياقلب عزلك 00أنا قررت
لو باتحمّلك مامديني
مجمّل 00ومشكور00ماقصّرت
واللي حصل منك يكفيني
...............................................
أضحك وهمّي معي ساكن
ومن جور الايام مافرقت
ماني غريب الوطن لكن
محسوب مثلي غريب الوقت
................................................
مابان لي من ظلامه شمس
تجلى عن الروح ظلمتها
اللي عشانه ظلمت النفس
وحمّلتها فوق طاقتها