10-01-2011, 09:15 AM | #1 |
ياعيال
ياغايتي وان قلت ياقــرة العين = ياللي غلاكم مندمج وسط دمي
انتم غذاء روحي على العسر واللين = وانتم علاجي كل مازاد همي مسكانكم وسط الحشاء بين ضلعين = حدب الضلوع العوج فيكم تضمي ارتاح لاقلتوا يابابا على وين = وخاف من جور الليالي واسمي دنيا العنا ماخلت الزين والشين = تخلف ضنون اللي ورد كل جمي في ذمتي غالين ياعيال غالين = واللي سبقكم بالغلا ابوي وامي اللي بهم عنكم تميل الموازين = واللي غلاهم عن غلاكم يزمي اطلب من الله يمهل العمر لسنين = وأشوفكم قبل الموكل يهمي وأشوفكم بالخير والعز باقين = وأمجادكم فيها المغفل يذمي لحقوق رب البيت راعين وافين = تمشون ممشى الخير مع كل يمي وباللي غذتكم من حشاها رضيين = خفض الجناح وطاعةٍ تستتمي مال الرداء ياصقور فيكم عناوين = أمحصنين أحصون خالٍ وعمي هاذي حقيقة لاتقولون بعدين = خل الرجا بعض الرجاء مايتمي |
|
10-01-2011, 10:38 AM | #2 | |||
اقتباس:
الاخ الغالي صنت البدراني
صح لسانك وعلا شأنك وبيض الله وجهك قصيدة في منتهى الروعة والجمال والله يحفظهم لك لك فائق التحية والتقدير
|
||||
10-01-2011, 06:54 PM | #3 | ||
صح لسان الشاعر
|
|||
الكلمات الدلالية (Tags) |
ياعيال |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|