*** أُكتب من الشعر ما أعجبك ***

[ابن شنوت]

ياحبك لقطع المواصيل حباه = طف بوصالك مابقا من لهيبك
سويت في اللي ماغير انت سواه= واتحملك مهما جرى وارتضي بك
حظ الهوى اللي تعيش به بس حظاه=لانه الوحيد اللي قدر يختلي بك
تبي تروح ؟ روح برعاية الله =لو ابغا اجيبك ,,,اعرف شلون اجيبك
تركتني بين الامل والمحـــــاتاه = مادري عدوك صرت ولا حبيبك

[ابن شنوت]

ماقلت لاحدن سوى امي يابعد عيني = وشلووون خليتني لعيونك انطقها
يمكن تكون الخيانه من شراييني = ويمكن حظوظك يجوز الله موفقها
لاقلت لك خلني تكفى تخليني = النفس ضاقت وتعرف من مضيقها
لاضقت انا حتى روحي ماتدانيني = وليا هدى البال غربها وشرقها

[مشاري البدراني]

العذر لويحسب على الرجل تقصير
فرضٍ ليا اخطا للرياجيل يبديه
وبعض الخطايا تحتملها المعاذير
وتدمح وتحسب شبه غلطه وتنبيه
وبعض الخطايا مالها اي تبرير
ولاعاد فيها لا لماذا ولا ليه؟
لكن على شان الرجال المناعير
يدمح خطا المخطي من الهيه للهيه
الا ليامن عادها عقب تحذير
واخطا علي بالعمد مالله بحاديه
واصبح بحلقي من حساب الزارير
وبذ الخفا واطغى غروره تماديه
آقف واضيع كل حشمه وتقدير
ومن قال ياضيدان؟ ماقلت لبيه
واللي يصير يصير ويصير
لابو صبيٍ مايعادي معاديه
واهل النخل لوحسبوا للعصافير!!!
ماتهيوا ماء بيرهم في سواقيه
والنوخذه لو ما احتمل للاعصاير!!!
امداه لاقفى يقطع الياس راجيه
ضيــــــدان بن قضعان

[ابن شنوت]

الا ليامن عادها عقب تحذير
واخطا علي بالعمد مالله بحاديه
واصبح بحلقي من حساب الزارير
وبذ الخفا واطغى غروره تماديه
آقف واضيع كل حشمه وتقدير
ومن قال ياضيدان؟ ماقلت لبيه
واللي يصير يصير ويصير
لابو صبيٍ مايعادي معاديه


رائع اخووووووي مشاري واختيار مميز

وصح لسانك ولسان ضيدان

[الشاعر بدر راشد]

لفت نظري شطر البيت الذي يقول\اكتب من الشعر مايعجبك\
اكتب من الشعرمايعجبك \ وانا هذا الشعر يعجبني
الياصارمعنا وحبك وسبك \ يدخل مزاجي ويطربني
شعرأ قبل تكتبه يكتبك \ انا مكتبه لين يكتبني
ياشعر انا اقراك واغيبك \ ونته متقدر تغيبني
الشاعر : بدرراشدالبدراني